АҚШ полицияси Нью-Йоркда чиқинди идишига ишчилар томонидан ташлаб юборилган, умумий қиймати 5 млн доллар бўлган бриллиантларни олган қоровулни ҳибсга олди.

Полициянинг маълум қилишича, қоровулнинг ҳаракатлари кузатув камерасига муҳрланган. Қўлга олинган Уилфред Мартинес J Birnbach Inc номли компанияга тегишли заргарлик буюмлари дўкони қаршисида жиноят содир этган.

Маълум қилинишича, компания хўжайини Жонатан Бирнбах бриллиантларни ёғочдан ясалган 3та қутида сақлаган ва бу қутилар очиқ сейфда бўлган. Ишчилар офисда таъмирлаш ишлари олиб бориш жараёнида бу қутилар ичида нима борлигини билмасдан, уларни чиқинди идишига ташлаб юборишган.

Қоровул бу қутиларни чиқинди идишида кўриб қолган ва улардан биридаги қимматбаҳо бойликларни олиб, уйига кетган. У бриллиантларнинг бир қисмини сотиб юборишга ҳам эришган.

У ўз қилмишларига иқрор бўлган.

Полиция барча бойлик эгасига қайтарилишини маълум қилган.