Тошкентлик аёл нотаниш уйдан 16 минг доллар ўғирлаганликда айбланиб, ҳибсга олинди. Бу ҳақда “На посту” нашри ёзмоқда.
Айтилишича, Наргиза исмли аёл боласини маҳаллада айлантириб юриш баҳонасида “ўлжа” қидирган.

Бир куни ўзи бой деб тахмин қилган Озода исмли аёлга яқинлашиб, турли баҳоналар билан унинг уйига кириб, телефонини қувватлантиришга рухсат сўраган. Уйга кириб, телефонни токка улар экан, стол устидаги калитни олиб чиқиб кетган, телефонини олиб кетишга қайтганида эса қайтариб жойига қўйиб кетган; бу орада у калитдан нусха кўчиришга улгурган эди.

Бир куни Наргиза мазкур хонадонда ҳеч ким йўқлигини билиб, у ерга ўғриликка кирган ва сейфни очиб, 16 минг доллар ўғирлаб кетган.
Уй эгасининг аризаси асосида ўтказилган текширувлар натижаларига кўра, ўғри тез орада қўлга олинди.