Хитой мамлакатдаги демографик вазиятни ўнглаш мақсадида яқиндагина оилаларга икки ва ундан ортиқ фарзанд кўришни чеклашга қаратилган қоидани бекор қилган эди. Бироқ кўплаб жуфтликлар иккинчи фарзандни дунёга келтиришга шошганларича йўқ, дея хабар бермоқда The Wall Street Journal газетаси.

Мақола муаллифларининг қайд этишларича, янги сиёсат меҳнат бозоридаги инқирозни бартараф этиш ҳамда истеъмолни рағбатлантиришга хизмат қилиши лозим эди. Бироқ демографларнинг кайфияти тушкун аҳволда. Уларнинг сўзларига кўра, мураккаб иқтисодий шароит сабабли кўплаб ота-оналарни иккинчи фарзандни тарбиялашга киришишни тўнғичига нисбатан “молиявий жиноят” сифатида қарамоқда.

Оналардан бири Чэнь Цянь унинг ўғли таҳсил олаётган хусусий мактаб ҳар йили оила бюджетига 4,7 минг долларга тушишини маълум қилган. Қўшимча машғулотлар, масалан, инглиз тили ва фортепиано учун ота-она йилига 1,5 минг доллар сарфлайди. 8 ёшли бола учун оила бюджетининг 3-5 фоизи сарфланишига қарамасдан, аёл турмуш ўртоғининг иккинчи фарзандли бўлишни режалаштирмаётганини маълум қилди.

Жануби-ғарбий университет молиячиларининг маълумотларига кўра, хитойлик ўртача даромадли ота-оналар фарзанди дунёга келганидан кейинги 18 йил ичида унинг учун ўртача 30 минг доллар сарфласа, АҚШда ота-оналар бунинг учун тахминан 245 минг долларни ажратишади.