Зальцбург университети аллақачон ўтиб кетган австриялик зоолог, Нобель мукофоти совриндори Конрад Лоренцни фахрий докторлик даражасидан жудо қилди. Бу ҳақда Associated Press агентлиги хабар бермоқда.

Бундай қарор миллатчи-социалистларни фош қилиш бўйича 2014 йили бошланган текширув ишлари якунларига кўра қабул қилинди.
Лоренц 1938 йили Германия миллатчи-социал ишчи партияси сафига қўшилган. Ўз баёнотида у ҳар доим миллатчи-социалист бўлганини эътироф этган.

“Менинг бутун илмий фаолиятим, филогенетик, ирқий ва ижтимоий-психологик масалаларни ҳам қўшиб ҳисоблаганда, миллатчи-социалистик фикр хизматида бўлган”, - унинг сўзларини келтиради Kurier нашри.

Бу фактлар Лоренцга фахрий илмий даража берилишида беркитилган, шу боис Зальцбург университети раҳбарияти уни фахрий докторликка номуносиб деб топди.
Бир йил муқаддам бошқа бир австриялик зоолог ва орнитолог Эдуард Пауль Трац ҳам докторликдан жудо қилинган эди.
Миллатчи-социалистларни фош қилиш иши 2016 йили якунланиши кутилмоқда.