Польшанинг Ўзбекистондаги элчихонасининг савдо ва инвестицияларга кўмак бериш бўлими келтирган маълумотларга қараганда, 2015 йилнинг 10 ойи мобайнида икки давлат ўртасидаги савдо айланмаси ўтган йилнинг шу даврига нисбатан 20 фоизга тушиб кетиб, 113 млн долларни ташкил қилган.

Бўлим бошлиғи в.б. Яцек Михальскининг сўзларига қараганда, Польша экспорти ҳажми 20 фоизга, Ўзбекистондан импорт қилиш ҳажми эса 23 фоизга тушиб кетган.
“Холис таҳлил шуни кўрсатадики, товар айланмаси ҳажмининг қисқариши асосан ташқи омиллар, шу жумладан, талабнинг бутун жаҳон миқёсида қисқариши, шунингдек, Россия ва ЕИнинг икки томонлама санкциялари туфайли логистиканинг қийинлашиши билан боғлиқдир”, - унинг сўзларини келтиради “Новости Узбекистана” нашри.