Ўзбекистон касаба уюшмалари Федерацияси Кенгашининг Юридик клиникаси 2016 йилда бепул юридик консультатив хизмат кўрсатиш бўйича аризалар қабул қилишни бошлади.

Ўзбекистон касаба уюшмалари Федерацияси Кенгаши матбуот хизматининг хабар қилишича, хизматлар Тошкент шаҳрида фаолият юритувчи нодавлат нотижорат ташкилотлари билан тузилган битим асосида йил давомида доимий равишда, Юридик клиника малакали мураббийларининг назорати остида волонтёрлар томонидан амалга оширилади.

Бундан кўзланган асосий мақсад, нодавлат нотижорат ташкилотларини ҳуқуқий қўллаб-қувватлаш, улар фаолиятида юзага келган юридик муаммоларга ечим топишда кўмаклашиш ва юртимиздаги нодавлат нотижорат ташкилотлар фаолиятини янада ривожлантиришга ҳисса қўшишдир.

Ҳамкорликдан манфаатдор нодавлат нотижорат ташкилотлари қуйидаги ҳавола орқали анкета тўлдиришлари мумкинлиги маълум қилинди.

Эслатиб ўтамиз, жорий йилнинг сентябрь ойида фуқароларга ижтимоий-меҳнат соҳасига оид бепул юридик хизмат кўрсатиш мақсадида Ўзбекистон касаба уюшмалари Федерацияси Юридик клиникаси иш бошлаган эди.