Янги йил арафасида, айниқса янги йил кечаси алоқа хизматларига бўлган эҳтиёж одатдагидан кескин ошиб кетиши кузатилади. Алоқа хизматларининг миллионлаб фойдаланувчилари яқинларига қўнғироқ қиладилар ва табрик хатлари жўнатадилар, интернетдан фаол фойдаланишади.

Шу муносабат билан, Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан алоқа операторларига юзага келиши мумкин бўлган техник носозликларнинг олдини олиш, байрам олди ва байрамдан кейинги кунларда бу каби ҳолатларда компанияларда мутахассисларнинг суткалик навбатчилигини ташкил қилиш юзасидан топшириқ берилди, деб хабар беради вазирлик ахборот хизмати.