2015 йилнинг 31 декабрь куни БААнинг Дубай шаҳридаги икки йирик концерт залида бўлиб ўтиши режалаштирилган ўзбек эстрада хонандалари иштирокидаги иккита концерт бекор қилинди. Hozirchashu.com сайтининг ёзишича, уларнинг бирида фақатгина ўзбек шоу-бизнес вакиллари қатнашиши режалаштирилган бўлса, иккинчисида Муниса Ризаева билан биргаликда арман, кавказ хонандалари ҳам иштирок этиши лозим эди.

Ушбу концерт дастурларининг қолдирилиш сабаблари маълум қилинмаган. Сайтнинг Дубай шаҳридаги манбаси берган маълумотларга қараганда, ҳар иккала концерт дастурлари учун маълум миқдордаги чипталар сотилган ва чипта харид қилганларнинг аксарият қисми концерт дастурининг қолдирилганидан бехабар эканлигини айтиб ўтди.
Шунингдек, мазкур хабарни Дубай шаҳрига ҳозирлик кўраётган хонандаларнинг маъмурлари ҳам тасдиқлашди.