Италиянинг «Интер» клуби ярим ҳимоячиси Фелипе Мело учта учрашувга дисквалификация қилинди. Бу ҳақда Football Italia нашри хабар тарқатмоқда.

Бундай жазога футболчи Италия А сериясининг 17-туридан ўрин олган «Лацио»га қарши учрашувда рақиб футболчиси Лукас Биглиянинг бўйнига оёғи билан зарба бергани учун тортилган.

Шунингдек «Рома» ҳужумчиси Эдин Жеко «Женоа»га қарши учрашувда (2:0) олган қизил карточкаси туфайли Италия чемпионатининг иккита учрашувини ўтказиб юборади.