Австралиянинг CarAdvice нашри Hyundai’нинг янги модели – Ioniq гибридининг норасмий суратларини чиқарди. Камуфляжсиз автомобиль Калифорниядаги расмий фотосессия чоғида суратга олинган.

Ioniq модели кўпдан буён Hyundai’нинг бирорта моделида қўлланмаган платформаси асосига қурилган. Айтилишича, янги машинанинг уч модификацияси бўлади: бутунлай электрик модель (литий-ион батареялари комплектига эга бўлади), гибрид бензин-электрик модель; учинчи моделда эса ички ёниш двигатели куч қурилмаси батареяларини ҳаракат чоғида қувватлантирадиган генератор вазифасини бажаради.

Бу моделга 1.6 л ли 105 от кучига эга мотор ўрнатилиши кутилмоқда.
Машинанинг Европадаги премьераси кейинги йил мартида Женевада ўтади. АҚШ учун вариант апрелда Нью-Йорк кўргазмасида тақдим этилади.