Франция Қуролли кучлари бош штаби бошлиғи, армия генерали Пьер де Виллье Сурияда террорчиларга қарши курашда Россия билан ҳамкорликни ошириш зарурлигини айтди.

“Фикримча, ИШИД, “Жабҳат ан-Нусра”, террорчиликка қарши курашда кучларимизни бирлаштириш ва биргаликдаги саъй-ҳаракатлар билан курашиш вақти келди”, деб айтди де Виллье ўзининг россиялик ҳамкасби, армия генерали Валерий Герасимов билан учрашувда. Вилльенинг айтишича, Россия ва Франция “умумий мақсадга” эга.

Виллье 1998 йилда Косовода Россия армияси билан ҳамжиҳатлик борасида бой тажрибага эга бўлганини қўшимча қилди. Шу билан бирга у россиялик ҳарбийларни мақтаб, Россияда “яхши аскарлар” борлигини таъкидлаб ўтди.