Олимлар тунги уйқу вақтида таом истеъмол қилиш нафақат тана, балки мияга ҳам салбий таъсир кўрсатишини аниқлашди. Кунлик тартибнинг бузилиши натижасида хотира сустлашиши бошланади. Бу ҳақда eLife журнали маълум қилди.

АҚШнинг Лос-Анжелес шаҳридаги Калифорния университети генетик олими Дон Ло ва унинг ҳамкасблари тунги ҳаёт тарзини олиб борувчи сичқонлар устида тадқиқот ўтказишди. Икки ҳафта давомида жониворларнинг бир гуруҳи тунги 10, 2 ва 3 оралиғида озиқлантирилди. Бошқа гуруҳга эса эрталабки 10 ва тунги 3да озуқа берилди.

Ҳар икки гуруҳдаги кемирувчилар ҳам бир хил муддат давомида ухлаган бўлса ҳам, кундуз вақтида озиқлантирилганлари уйқу билан боғлиқ муаммолар (тез-тез уйғониб кетишди)га дуч кела бошлашди. Бундан ташқари, уларнинг кунлик тартиби бузилди. Натижада хотира ва ўрганишга жавобгар бўлган оқсиллар ишлаб чиқилиши беқарорлашди. Уйқу учун мўлжалланган вақтда озиқланган жониворлар хотира тестларида ёмон натижаларни қайд этишди.

Ҳозирча тунги таомланишнинг инсонга қай даражада кучли салбий таъсир кўрсатиши аниқланмаган. Бироқ тунги сменада ишлайдиган кишиларнинг интеллектуал вазифаларни ёмонроқ ечиши аллақачон маълум бўлган.

2014 йилда Ямагучи университети олими Макото Акаси (Makoto Akashi) ҳам сиқчонлар устида тажриба ўтказиб, инсулин организмдаги бир қатор тўқималардаги суткалик ритмни ўзгартиришини аниқлаган эди. Яъни, организм овқат ҳазм қилиш тизимининг оптимал ишлашига эришиш орқали “ошқозон вақти”ни овқатланиш вақтига мослаштиради.