Тошкент шаҳридаги Инҳа Университети мактаб, лицей ва касб-ҳунар коллежларида математика фанидан дарс бераётган ўқитувчилар учун танлов эълон қилди.

Университет расмий сайтида келтирилишича, “Ажойиб математика” фестивали доирасида танловда иштирок этган ва берилган вазифаларни ҳаммадан зўр бажарган 3 нафар ўқитувчи қимматбаҳо совғалар билан тақдирланади.

1-ўрин учун – планшет (tablet computer), 2-ўрин учун – смартфон (smartphone), 3-ўрин учун – ташқи қаттиқ диск (portable hard drive) мукофот сифатида тақдим этилади.
Танлов шартига кўра, бажарилган вазифалар 2016 йилнинг 4 январь кунига қадар юборилиши шарт. Танлов ғолибларини тақдирлаш маросими 7 январь куни Тошкент шаҳридаги Инҳа университети фойесида бўлиб ўтади.

Шунингдек, энг қобилиятли номзодлар ТШИУ қўллаб-қувватлаётган малака ошириш дастурида (faculty fostering programme) иштирок этиш ва ўзларининг магистратура ва докторлик (Master's or Ph.D degree) ишларини Жанубий Кореянинг энг нуфузли олий таълим муассасаларида давом эттириш имконига эга бўладилар.