Қозоғистонда автомобиллар ишлаб чиқариш бир йил ичида 3 баробарга қисқарди, деб хабар бермоқда Қозоғистон миллий иқтисодиёти вазирлигининг давлат стаистика қўмитасига иқтибос келтирган ҳолда ranking.kz портали.

Маълумотларга кўра, енгил автомобилларни ишлаб чиқариш ҳажми 2014 йилнинг январь-ноябрь ойларида 33 минг донани ташкил қилганди, 2015 йилнинг шу даврида бу кўрсаткич 10,8 минг донага тушиб кетди. Бу 2014 йилнинг иккинчи ярмида Россия рублининг қадрсизланиши ортида Россиядан келтирилаётган енгил автомобиллар сони ўсиши кескин тезлашиб кетгани билан боғлиқ бўлмоқда.

Қозоғистонда бор-йўғи бир йил ичида автомобиллар сони 1,2 млн донага, яъни учдан бир қисмига кўпайган. Жорий йилнинг октябри ойи охирига кўра, мамлакатдаги енгил автомобиллар сони 5 млн донадан ошиб кетган.