Туркиянинг Истанбул шаҳридаги аэропортда содир этилиб, бир кишининг ўлимига сабаб бўлган ҳужум учун жавобгарликни “Курдистон эркин қирғийлари” гуруҳи ўз зиммасига олди, дея хабар бермоқда Reuters терристлар мурожаатига асосланган ҳолда.

Курдларнинг хабар қилишича, аэропорт миномётдан ўққа тутилган. Бундан ташқари, улар ҳужум Туркиянинг Курдистон ишчилар партиясига қарши ҳарбий амалиётига жавоб эканини маълум қилишган, дея қайд этди Associated Press.

Эслатиб ўтамиз, 23 декабрь куни маҳаллий вақт билан соат 02:05да Сабиҳи Гўкчен номидаги Истанбул халқаро аэропортида портлаш содир бўлган эди. Бунинг оқибатида икки нафар фаррош жароҳат олиб, улардан бири ҳалок бўлган. Шунингдек, портлашдан аэропортдаги бешта самолётга зиён етган.