28 декабрь, душанба кунига ўтар кечаси Россиянинг Санкт-Петербург шаҳрида 13 дона автомобиль ёниб кетди. Бу ҳақда FlashNord нашри маҳаллий ҳуқуқ-тартибот идораларига таяниб хабар бермоқда.

Манбада ёзилишича, шаҳарнинг Культура, Богатирск ва Энергетик шоҳкўчаларида, шунингдек Пулковск кўчасида машиналар ёқиб юборилган.

Ҳуқуқни муҳофаза қилувчи орган ходими берган маълумотга кўра, Санта-Клаус бош кийимидаги икки нафар фуқаро аввалига машиналар устига бензин сепган ва кейин уларга ўт қўйган. Еттита автомобилдан тўрттаси тиклаб бўлмайдиган ҳолатга келган.