Туркия бош вазири Аҳмет Довудўғлу NTV телеканалига берган интервьюсида Россиянинг Туркияга нисбатан киритган махсус иқтисодий чоралари турк иқтисодиётига ҳали салбий таъсир кўрсатмаганини, бироқ истиқболда иккала томонга ҳам зиён етказишини айтди.

“Агар самолёт уриб туширилгандан кейин рубль курси ва турк лирасининг пасайиши ва бу инқирознинг икки давлат иқтисодиётига таъсирини таққосласак, унда биз салбий оқибатларга эга бўлмадик. Биз сайёҳлик ва аграр тармоқларимизни ҳимоя қилиш бўйича чораларни кўрдик, уларни янги бозорларга йўналтирамиз, тадбиркорларимизга ёрдам бермоқдамиз”, деб айтди Аҳмет Довудўғлу.

Довудўғлу Европа Иттифоқи санкцияларидан шикоят қилаётган Россия энди ўзи “унинг йўлидан кетаётганини” айтди.

“Туркия ва Россия бир-бирига керак давлат. Бундай вазиятларда иккала томонга ҳам зиён етади”, деб таъкидламоқда Аҳмет Довудўғлу.

Довудўғлу Россиядан теранлик сақлаб, Россия-Туркия инқирозидан чиқиш кераклигини англашини кутаётгани қўшимча қилди.