Хусусий сектордаги мансабдор шахслар давлат секторидаги мансабдор шахсларга нисбатан қоидабузарликлар учун камроқ даражада жавобгарликка тортиладилар.

Шу мақсадда Ўзбекистон Жиноят кодексига бир қатор ўзгартиришлар критилган. Бу Ўзбекистоннинг жиноий қонунчилигини эркинлаштиришга имкон берди.

Жиноят кодексига кўра, эндиликда мансаб билан боғлиқ жиноятлар бўйича моддалар гуруҳи давлати идоралари ва ташкилотлари ходимлари ҳамда нодавлат тижорат ва бошқа ташкилотлар ходимлари учун алоҳида бўлиши кўзда тутилган. Аввал тадбиркорлик субъектларининг мансабдор шахслари ва ходимлари давлат идоралари мансабдор шахслари ва ходимлари каби бир хил жиддий жавобгарликка тортилганлар. Энди бу жавобгарлик тадбиркорлар учун юмшатилди.

Шунинг эвазига кўплаб судланганлар ўз жиноятларини қайта кўриб чиқиш ва аввал белгиланган жазонинг юмшатилиши имконини олдилар, деб ёзмоқда norma.uz.