"Поп-Андижон" темир йўл линиясини электрификациялашни муддатидан аввал якунлаш режалаштирилмоқда

Ўзбекистон 04 Февраль 2016 4861

"Ўзбекистон темир йўллари" АЖ "Поп-Андижон" темир йўл линиясини электрификациялашни жорий йилнинг апрель ойига якунлашни режалаштирмоқда, деб хабар берди Sputnik нашрига компаниядаги манба.

Аввалроқ темир йўлчилар линияни 2016 йилнинг августида фойдаланишга топшириш режалаштирилаётганини маълум қилгандилар. Бироқ ишлар самарадорлигининг ошиши, захиралар ва замонавий қурилмаларни ишга солиш ҳисобига бу муддат бир неча ойга қисқартирилди.

"Йўлнинг умумий узунлиги 186 километрни ташкил қилади. Бугунги кунда биз Попдан Қўқонгача 45 километрлик йўл қисмидаги ишларни тўлиқ якунладик. Андижонгача қолган қисмда 4 мингта устун ўрнатилган, ҳозир симларни тортиш ишлари олиб борилмоқда. Барча ишларни апрелга якунлашни режалаштирмоқдамиз", деб таъкидлаб ўтди манба.

Йўлнинг электрификацияси 2015 йилда ҳукумат томонидан ишлаб чиқилган механизм доирасида молиялаштирилмоқда. Хусусан, харажатлар бошқа лойиҳани амалга ошириш – "Ангрен-Поп" электрификациялашган темир йўл линиясини қуриш давомида тежалган маблағлар ҳисобига қопланмоқда. "Ангрен-Поп" линиясининг умумий қиймати 1,4 млрд доллардан кўпроқни ташкил қилганди.

"Поп-Андижон" линиясида ишларнинг якунланиши "Хитой-Марказий Осиё-Европа" халқаро транзит темир йўл коридорининг Ўзбекистондаги қисмини тўлиқ электрификациялашга имкон беради.

Бугунги кунда Ўзбекистондаги темир йўлларнинг умумий узунлиги 6500 км дан кўпроқни ташкил қилади. Охирги 10 йил давомида 1500 км темир йўл электрификацияланган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13307 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20670 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10328 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11153 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38231 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52215 Жамият
Атамбоев Қирғизистон бош вазири вазифасини бажарувчини тайинлади
14:28 3 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 722 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 546 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Кўпроқ янгиликлар