Ҳиндистонда йўловчи автобуси дарё устидаги кўприкдан пастга қулади. India Today нашрида ёзилишича, бу ҳодиса туфайли камида 37 киши ҳалок бўлган.

Бу фожиали авария 5 февраль куни мамлакат ғарбидаги Гужарот штати ҳудудида содир бўлган. Ҳалокатдан олдин автобусдагилар сони 60 нафардан ортиқ бўлган.

Айни вақтда сувдан 20 кишининг жасади чиқариб олинган. Маҳаллий полиция вакили қурбонлар сони ортиши мумкинлигини айтган.

ЙТҲ юз берган жойга қутқарувчи гуруҳлар, ўт ўчириш бўлинмалари, шифокорлар ва полиция етиб келиб, зарур ишларни бошлашган.