Калифорния штатининг Сан-Диего шаҳридаги ресторан ходимлари хоналардан бирида ёш денгиз шери кириб қолганини аниқлашди.

Ресторанга чақирилган мутахассисларнинг қайд этишича, 8 ойлик бу жонивор очликдан азоб чеккан ва унинг айни вақтдаги вазни одатдагидан 2 бараварга кам. У эндиликда даволаниш жараёнида бўлади.

Қайд этилишича, Тинч океанида яшаш ва озуқа топиш шароитлари оғирлашиб кетгани туфайли йил бошидан бери Сан-Диегода ёрдам кўрсатишга тўғри келган денгиз шерлари сони 40тага етган. Ўтган йил бўйича эса бу кўрсаткич 1 мингдан ошганди.

Бундан олдинроқ, бошқа бир каттароқ денгиз шери Калифорниядаги дўконга емак илинжида кириб келгани хабар қилинганди.