Англиянинг «Манчестер Сити» клуби ҳужумчиси Серхио Агуэро январь ойида Англия премьер-лигасининг энг яхши футболчиси деб топилди. Бу ҳақда «шаҳарликлар» расмий твиттери хабар тарқатди.

Агуэро янги йилнинг дастлабки ойида тўртта учрашувда майдонга чиқиб беш бор рақиблар дарвозасини ишғол қилишга муваффақ бўлган. Битта голли узатмани амалга оширган.

Энг яхши мураббий деб эса «Саутҳэмптон» устози Рональд Куман топилган. Голландиялик мураббий бошчилигидаги жамоа тўртта учрашувда учта ғалабага эришиб, АПЛ турнир жадвалида еттинчи поғонагача кўтарилган.