Тошкент шаҳар онкология диспансерига брахитерапия усулида даволашда қўлланиладиган замонавий радиотерапия аппарати олиб келинди.

Германияда ишлаб чиқарилган ушбу ускуна ёрдамида йигирмага яқин аъзодаги хавфли ўсмаларни самарали даволаш мумкин.

"Брахитерапия бир қатор йўналишлардаги малакали мутахассислар ҳамкорлигида амалга оширилади", – дейди Тошкент шаҳар онкология диспансери бош шифокори ўринбосари, тиббиёт фанлари номзоди Одил Абдураҳмонов.

ЎзАнинг хабарига кўра, бугунги кунда Навоий, Сирдарё ва Жиззах вилоятлари онкология диспансерлари янги бинода фаолият кўрсатмоқда. Аксарият диспансерларда радиология бўлимлари ташкил этилган. Онкология соҳасида ягона электрон ахборот базаси шакллантирилган. Ушбу тизим онкологик хасталикларга чалинган беморларни ҳисобга олиш, уларга ташхис қўйиш, даволаш ва кузатиш ишларида узвийликни таъминлаш, тиббий ёрдам кўрсатиш сифати ва самарадорлигини оширишга хизмат қилмоқда.