Саёҳатчилар учун мўлжалланган Flight Centre сайти мутахассислари тадқиқот ўтказишди ва 2016 йилнинг саёҳатлар учун энг ноқулай кунларини аниқлашди. Гап байрамлар, мактаб таътиллари ва кўп сондаги саёҳатчилар ўз уйлари ёки яқинлариникига йўл оладиган саналар ҳақида кетмоқда. Тадқиқот маълумотларини келтирган The Telegraph нашрининг таъкидлашича, шундай гавжум кунлар самолётга чипталарни бронлаш мушкул бўлади, авиакомпаниялар эса одатда бундай вақтда ўз хизматларига нархларни кўтариб юборишади.

"Чипталар нархларидаги фарқ ҳаттоки "яқин" саналарни таққослаганда ҳам, шунчалик катта бўладики, бир неча юз фунт стерлинг тежаб қолиш мумкин", деб айтмоқда Flight Centre вакили Жастин Пенни. У, шунингдек, чипталарни аввалроқ ёки пайшанба куни бронлашни тавсия қилмоқда.

Саёҳатлар учун ноқулай кунлар орасидан 12 февраль ўрин олди, бу кун ўқув семестри ўртасидаги қисқа таътилларга тўғри келувчи, тоғ чанғичилари орасида оммабоп бўлган кунга тўғри келади.

Шунингдек, бундай кунлар орасида 24 март ҳам бор. Бу санага Пасха арафасидаги дам олиш кунлари тўғри келади, бу эса билетларга талабнинг кўпайишига сабаб бўлади.

13 апрелга Таиланд Янги йили – Сонгкран тўғри келади, бу буддавийларнинг оилавий байрами ҳисобланади.

Францияда 10 июндан 10 июлгача бўлиб ўтадиган футбол бўйича Европа чемпионати сабабли экспертлар 11 июнда саёҳатга чиқмасликни тавсия қилишмоқда.

Саёҳат учун энг ноқулай саналар орасида, шунингдек, 1 июль (таътиллар мавсуми бошланиши), 21 октябрь (мактаб таътиллари), 6 ва 24 ноябрь (Нью-йорк марафони ўтказиладиган кун ва Шукроналик куни), 22 декабрь (католик Рождествоси арафаси) ҳам бор.

Албатта, бу ҳолат Ғарб давлатлари учун хосдир ҳамда Шарқ давлатларига аксарият тўғри келмайди.