Тошкент вилояти Бўка тумани ИИБга 17 ёшли фуқаро ариза билан мурожаат қилиб, мазкур туманнинг Ўзбекистон кўчасида уч номаълум шахс уни куч ишлатиш йўли билан қўрқитиб, икки дона «НОКИА» мобил телефонини тортиб олиб қочиб кетганликларини маълум қилган.

Ички ишлар органлари ходимлари томонидан олиб борилган тезкор-суриштирув тадбирлари натижасида ушбу жиноятни уч нафар маҳаллий аҳолига мансуб шахслар содир этганлиги аниқланиб, бу талончилар қўлга туширилган.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.