Испаниянинг Cybermetrics Lab тадқиқот гуруҳи бутун дунёдаги олий ўқув юртлари сайтлари рейтингини эълон қилди. 

2016 йил рейтингида жаҳондаги 24 мингдан зиёд олий ўқув юртлари сайтларига баҳо берилган. Бунда сайтнинг қидирув тизимларида мавжудлиги, гиперҳаволалар миқдори каби кўрсаткичлар инобатга олинган. Глобал рейтингда биринчи ўринни Гарвард университети сайти эгаллади. Иккинчи ўринда Стенфорд университети, учинчи ўринда эса Массачусетс технологик институти қайд этилган.

Ушбу рейтингда Ўзбекистондаги 66та олий ўқув юрти сайти жой олган. Унга кўра, Ўзбекистон Миллий университети сайти миллий сегментда биринчи (глобал рейтингда 6565), Самарқанд давлат университети иккинчи (8084), Самарқанд қишлоқ хўжалиги институти эса учинчи (8408) ўринда қайд этилган.