Покистоннинг Кватта шаҳрида содир этилган портлаш оқибатида камида 9 киши ҳалок бўлди, деб хабар бермоқда Daily Pakistan нашри.

Портлаш шаҳарнинг савдо ҳудудида, яқин атрофда чегара хизмати конвойи бўлганда террорчи-худкуш томонидан содир этилган.

Ҳалок бўлганлар орасида чегара хизматининг 3 нафар ходими ҳам бор. Шунингдек, 40 га яқин одам, шу жумладан 3 нафар полициячи яраланган.

Портлаш учун жавобгарликни "Таҳриқ-а Толибон Покистон" гуруҳи ўз зиммасига олди. Бу гуруҳ Афғонистоннинг "Толибон" гуруҳи билан алоқаси йўқ, бироқ у билан яқиндан ҳамкорлик қилади.