Қирғизистоннинг Ат-Баши туманида яшовчи шахс рафиқаси устидан бензин қуйиб, уни ёқиб юборди. Аёл тирик қолган бўлсада, унинг танаси жиддий куйишга учраган. Бу ҳақда ИИВга асосланиб, «24.kg» хабар тарқатган.

"Охирги вақтларда улар кўп жанжаллашишган. Воқеа юз берган куни у рафиқасининг ишхонасига келган ва унинг ҳамкасбларидан бироз вақт ташқарига чиқиб туришни, хотини билан гаплашиб олмоқчи эканини айтган. Улар чиқиб кетгач, у эшик ва деразаларни маҳкам беркитиб, аёлнинг ҳамда ўзининг устидан бензин қуйиб, ўт ёққан. Натижада, аёл танасининг 90 фоизи куйган, унинг аҳволи жуда оғирлигича қолмоқда. Эркакнинг аҳволи яхшироқ. Ҳозирча уни бу ишни қилишга нима ундагани аниқ эмас", дейди ИИВ матбуот хизмати вакили Эрнис Осмонбаев.

Унинг қўшимча қилишича, воқеа бўйича жиноий иш очилган.