Тайвандаги кучли зилзила қурбонлари сони 34 кишига етди, 515 киши жабрланган.

29 қурбон Тайнань шаҳрининг Юнкан туманида жойлашган 17 қаватли "Вэйгуань" турар-жой биносида яшаганлар бўлган. Бино тўлиқ вайрон бўлган, ҳозир бино вайроналарини тозалаш ва тирик қолганларни қидириш бўйича қутқарув ишлари олиб борилмоқда.

Айни вақтда 120 дан кўпроқ киши бедарак йўқолган деб ҳисобланмоқда. Улар вайроналар остида қолганлари тахмин қилинмоқда. 7 февралда вайроналар остидан бир неча кишини қутқариб олишга муваффақ бўлинди.

Зилзила оқибатида катта бино бир неча жойидан ёрилган ва қулаб тушган. Ҳукумат бино сифатсиз материаллардан ҳамда меъёр ва талабларга риоя қилинмаган ҳолда қурилган, деб ҳисобламоқда. Ушбу ҳолат юзасидан тегишли тергов ўтказилган.

Тайвань оролида 6 февралга ўтар кечаси 6,4 магнитудали зилзила юз берди. Оқибатда Тайнань шаҳридаги бир неча иншоот вайрон бўлган.

Фожиа муносабати билан Хитой раиси Си Цзиньпин ҳалок бўлганлар оилаларига ҳамдардлик билдирди ва табиий фожиа оқибатларини бартараф этишда ўз ёрдамини таклиф қилди.