Тошкент автобусларида йўлга қўйилган Wi-Fi интернет тезлиги мобиль операторларникидан қолишмаяпти

Ўзбекистон 07 Февраль 2016 4394

Ривожланган давлатларда одам гавжум жойларда интернетга уланиш нуқталарининг мавжудлиги билан анчадан бери ҳеч кимни таажжублантириб бўлмайди. Ниҳоят, Тошкент аҳолисида ҳам жамоат транспортида бепул интернетдан фойдаланиш имконияти пайдо бўлмоқда. "Тошшаҳартрансхизмат" АЖ юқори технологиялар оламидаги ютуқларни жамоат транспортига татбиқ қилмоқда.

Шу тариқа, "Тошкент" вокзали-"ТТЗ" бозори йўналишида қатнайдиган 14-рақамли автобуснинг 4 таси EVO компаниясининг wi-fi интернет қурилмаси билан жиҳозланди. Бу қурилмалар Huawei компанияси томонидан ишлаб чиқарилган. Нега айнан шу рақамли автобусга бу хизматни жорий қилишга қарор қилинди, деган савол туғилади. Бунга сабаб, бу йўналишда қатновчи автобуслар ўрнак олса арзирлидир, чунки ундаги ҳайдовчилар ва чиптачилар махсус кийимларда ўз ишларини олиб борадилар.  

Ушбу автобуслар Wi-fi билан жиҳозланганидан дарак берувчи ёзув ҳайдовчини йўловчи салонидан ажратувчи ойнаванд тўсиққа ёпиштириб қўйилган. Қурилма интернетга тўғридан-тўғри, паролни киритмасдан уланади. Файлларни кўчириб олиш блокланган, шунинг учун телефондаги дастурларни янгилаб бўлмайди.

Татбиқ қилинган интернет кутилмаганда тез ишламоқда. Унинг тезлиги исталган мобиль операторларникидан қолишмайди. Сёрфингда унинг тезлиги тахминан 2-3 Мб/секундни ташкил қилади. Ҳар бир автобусга интернет 2 Мб/секунд тезлик билан Huawei 4GLTE модеми орқали 50 метрлик масофани қоплаган ҳолда берилади.

Бу лойиҳа йўловчиларга қулайлик яратиш мақсадида амалга оширилмоқда. Интернетга уланиш нуқтаралари 3 февралдан синов тартибида ишламоқда. Тармоққа бир вақтнинг ўзида 100 киши уланиши мумкин. Уланиш учун 4G/LTE технологиясидан фойдаланилади. Тармоққа уланишда реклама йўқ ва хизмат доимо бепул бўлади.

"Тошшаҳартрансхизмат" АЖ бундай хизматни яқин орада 51- ва 28-рақамли автобусларда ҳам жорий қилишни режалаштирмоқда. 2016 йил охиригача Wi-Fi-қурилмалар кўпчилик йўналишлардаги автобусларда пайдо бўлади. Кейинчалик барча автобуслар бу хизматга улангандан кейин, қолган жамоат транспорти турлари ҳам у билан таъминланади.

Лойиҳа устида ишлар 2015 йилнинг сентябрида бошланганди. Бу ғоя EVO компанияси томонидан билдирилган.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50741 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66695 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35628 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20424 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77540 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60923 Жамият
Ўзбекистонда энергия тежовчи миллий компания компания тузилди
Таиландга қизларни юбориш билан шуғулланган самарқандлик “одамфуруш” аёл ушланди 
Ҳукумат ўқитувчи ва шифокорларни пахта теримига жалб этишни тақиқлади
103 ёшли камбожалик аёл АҚШ фуқаролигини қабул қилди
20:25 508 Жаҳон
Кўпроқ янгиликлар