Афғонистон полицияси ходимлари муваффақиятли ўтказилган операция натижасида "Толибон" жангарилари томонидан Афғонистоннинг Фароб вилоятида ўғирлаб кетилган 80 кишини озод қилдилар. Бу ҳақда Khaama Press нашри хабар бермоқда.

Таъкидланишича, жангарилар 8 февралда маҳаллий вақт билан 17.00 да тинч аҳоли кетаётган икки автобусни тўхтатиб, ундаги барча одамларни ўғирлаб кетган.

Шундан кейин полициячилар асирларни қутқариш бўйича операцияни бошлашган. Бир неча соат ўтиб барчаси муваффақиятли якунланган. Полиция маълумотига кўра, толиблар қўлида яна икки асир қолмоқда.