АҚШ президенти Барак Обама Оқ уйда Wi-Fi ёмон ишлашидан шикоят қилди. Бу ҳақда CNN телеканали хабар бермоқда.

Обама ўз маъмурияти биносида интернетнинг ёмон ишлаши ҳақида мамлакатнинг бўлғуси президентига маслаҳатлар ҳақидаги суҳбат чоғида маълум қилди.

Обама ўзининг вориси инаугурация қилингунгача Оқ уйдаги Wi-Fi тўғриланиб қўйиши ва рисоладагидек ишлашига умид билдирди.

АҚШ биринчи хоними Мишель Обама Оқ уйда Wi-Fi’нинг ёмон ишлашидан ҳаммадан кўпроқ қизлари Саша ва Малия азият чекишларини айтди.