Нью-Йоркнинг собиқ мэри ва миллиардер Майкл Блумберг АҚШ президенти лавозимига сайловларда иштирок этиши ҳақидаги саволга "барча вариантларини кўриб чиқаётганини" айтди. Бу ҳақда Financial Times нашри хабар бермоқда.

Блумберг сайловларда иштирок этишини биринчи марта оммавий равишда маълум қилди. У, шунингдек, номзодлар чиқишлари ва дастлабки сайловлар натижаларини кузатиб бораётганини айтди.

FT’да таъкидланишича, Блумбергнинг сайловларда иштирок этиши президентлик пойгасини сезиларли ўзгартириши мумкин.

New York Times нашри маълумотларига кўра, Блумберг президентлик кампаниясига 1 млрд доллар сарфлайди.

Медиамагнат АҚШ президенти лавозимига номзодини қўйиши мумкинлиги январь бошида маълум бўлганди.