Австралиядаги The Kangaroo Sanctuary қўриқхонасида яшайдиган Рожер лақабли кенгуру ижтимоий тармоқларнинг юлдузига айланди.

Унинг мушаклари ҳайратланарли даражада ривожланган бўлиб, The Telegraph журналистининг ёзишича, қадди-қомати билан нафақат ўз қавмдошлари, балки унча-мунча одамлардан ҳам ўтади.

2015 йилда қўриқхона ходимларидан бири мушакдор кенгурунинг суратларини илк бора Instagram’га жойлаган эди. Илк расмда Рожернинг қўлида пачоқланган челак турарди.

Шундан буён The Kangaroo Sanctuary боғининг Instagram’даги саҳифасига 280 мингдан ортиқ фойдаланувчи обуна бўлди.

Боғ ходими Крис Барнснинг сўзларига қараганда, у 2006 йилда митти Рожерни ҳалок бўлган онасининг халтасидан чиқариб олган ва уни парвариш қила бошлаган.

Ҳозир кенгурунинг вазни 90 кг га тенг. Яқинда у 10га кирди. Кенгурулар ўртача 15 йил умр кўриб, ҳаётининг охирги палласи жисмонан энг бақувват пайтига тўғри келади.