АҚШнинг SpaceX компанияси 24 февралда оғир ракета-ташувчи Falcon 9’ни яна фазога кўтармоқчи. Ракета орбитага 5,3 тонналик сунъий йўлдошни олиб чиқади, деб хабар бермоқда Reuters ахборот агентлиги.

Агентлик бу хабарни беришда SpaceX’нинг ҳамкори – бош қароргоҳи Люксембургда жойлашган SES компаниясига таянмоқда.

Агентлик бу хабарнинг тасдиқланишини сўраб SpaceX’нинг Калифорниядаги бош қароргоҳига мурожаат қилди. Бироқ компания бунга изоҳ бермади.

Тадбиркор Элон Маскнинг компанияси 17 январда берилган орбитага НАСАнинг Jason-3 йўлдошини муваффақиятли олиб чиққанди. Бироқ йўлдош орбитага олиб чиқилгандан кейин, ракетанинг қуйи босқичини Тинч океанидаги улкан денгиз платформасига тушириш муваффақиятсиз якунланганди.