«Арсенал» Маҳрез ва Кантени кашф қилган «Лестер» скаутини ўз сафига қўшиб олди

Спорт 10 Февраль 2016 3054

Англия футболига Риёд Маҳрез ва Нголо Ккантени кашф этиб берган «Лестер» скаути Бен Ригглсворт энди «Арсенал» учун ишлайди. Унинг ўзи шу ҳақда маълум қилган.

«Уч ярим йил давомидаги ажойиб фаолиятимдан кейин мен янги раҳбарлар билан ишлайман.

Бу қарорни, «Лестер»дан кетиш қарорини қабул қилиш осон бўлмади. Аммо мен ўз имкониятларимдан янада тўлиқроқ фойдаланишга ва ўзимни янада яхшироқ намоён этишга қарор қилдим.

«Лестер»га келгусида муваффақиятлар тилайман. Мен бу жамоада омадга эришганимдан хурсандман», дея ёзган у ўз твиттерида.

Қайд этиш керакки, Ригглсворт ўтган мавсум аввалида Франция чемпионатидаги «Кан» жамоасидаги Нголо Кантени сотиб олишга раҳбариятни кўндирган ва футболчи 5,6 млн фунт эвазига Англияга кўчиб ўтганди. Ҳозирда айнан у "тулкилар"нинг муваффақиятли иштирокида асосий ишларни қилмоқда.

Унинг яна бир кашфиёти Риёд Маҳрез эса 2014 йилда 400 минг фунт эвазига «Гавр»дан трансфер қилинганди. Маҳрез жорий мавсумда АПЛда самарали ўйин бўйича яққол пешқадамлик қилмоқда. Жазоирлик иқтидор эгаси 24 ўйинда 14та гол уриб, 10та голли узатмага муаллиф бўлган.

Ригглсворт лондонликлар жамоасидан январь ойида таклиф олган ва ҳозирда бу таклифни қабул қилган.

Бундан олдинроқ, «Арсенал» «Лестер»нинг скаутлар бўлими раҳбари Стив Уолшга 1 млн фунт таклиф қилганди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28953 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 65112 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8211 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125724 Жамият
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо, Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 944 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1290 Жаҳон
Ўзбекистон Республикаси Олий суди турли миш-миш хабарларга раддия берди
Уқубат ва бардош тимсоли. Афғонистонда бугун мустақиллик куни (фотожамланма)
17:20 2786 Жаҳон
Кўпроқ янгиликлар