Британиялик таниқли футболчи Дэвид Бекҳэм ўз рафиқаси, Spice Girls поп-гуруҳининг собиқ аъзоси Виктория Бекҳэм билан ажрашиши ҳақида хабарлар тарқалди. Бу ҳақда Hollywood Life таблоиди ушбу жуфтликка яқин манбасига асосланган ҳолда хабар берган.

Маълумки, ушбу жуфтлик 17 йилдан буён биргаликда ҳаёт кечириб келишмоқда. Манбанинг хабарига кўра, улар айни вақтда оилавий мулкни бўлиб олиш бўйича жараённи бошлашган.

Ўз навбатида бу борада расман изоҳ берилмаган.

Уларнинг ажрашиши ҳақидаги миш-мишлар илк марта ўтган йили, Викториянинг турмуш ўртоғига атаб чиздирган татуировкаларини ўчиртириб ташлаганидан сўнг пайдо бўлганди.

17 йил ичида Дэвид ва Викториянинг оиласида 4 нафар фарзанд дунёга келган. Уларнинг 3 нафари ўғил, ва бири қизалоқ: Круз Дэвид Бекҳэм (16 ёш), Ромео Жеймс Бекҳэм (13 ёш), Бруклин Жозеф Бекҳэм (10 ёш), Харпер Севен Бекҳэм (4 ёш).

Дэвид Бэкҳем 2013 йилда профессионал футболчи сифатидаги фаолиятини якунлаганди.

Бекҳэм кўчада тез ёрдам кутаётган бемор ва унинг шифокорини чой ҳамда кофе билан сийлади