ЮКОСнинг собиқ раҳбари, россиялик мухолиф сиёсатчи Михаил Ходорковский Нефтеюганск ҳокими Владимир Петуховни ўлдирганликда айбланиб, Интерпол томонидан халқаро қидирувга берилди. Бу ҳақда Интерфакс агентлиги хабар бермоқда.

“Интерполнинг Россиядаги миллий бюроси Россия Бош прокуратураси ва Тергов қўмитасидан келган расмий материаллар асосида Ходорковскийни халқаро қидирувга берди. Тегишли қарор Интерполнинг Лиондаги марказий бюросига йўлланди”, - дейилади хабарномада.

Айтилишича, Интерполнинг марказий офиси Россия бюросининг циркулярини кўриб чиқиб, қарорни маъқуллаган.