Бугун, 11 февраль куни "Барселона" ҳужумчиси Лионель Месси буйрагидаги тошни олдириб ташлаш учун жарроҳлик амалиётидан чиққанидан 2 кун ўтиб, жамоадошлари билан машғулотларда иштирок эта бошлади.

Шифокорлар футболчи тўла соғайиб кетиши учун 14 февраль куни Испания чемпионатининг навбатдаги турида "Сельта"га қарши учрашувда майдонга тушмаслигини тавсия қилишган.

Месси соғлиғидаги муаммо туфайли Испания кубоги доирасида 10 февраль куни "Валенсия"га қарши кечган учрашувни ўтказиб юборганди.

Жорий мавсумда Месси Испания Примерасида 17 та ўйин ўтказиб, 12 та гол урган ва 5 та голли узатма амалга оширган.

Мессининг буйрагидаги тошни олиб ташлаш учун жарроҳлик амалиёти ўтказилади

Месси буйрагидаги тош олингандан кейин шифохонани тарк этди