Xitoyning Golden Brick Capital Management, Beijing Kunlun Tech va Yonglian Investment kompaniyalari konsorsiumi Opera Software kompaniyasini 1.2 mlrd dollarga sotib olishga tayyorligin bildirdi.
O‘tgan yili Opera brauzerini ishlab chiqaruvchi Opera Software kompaniyasi rahbariyati o‘z biznesini sotishi mumkinligini aytgandi. Norvegiyaning yirik kompaniyasi o‘sha paytdayoq bir qator manfaatli takliflar olgandi. Ammo bundan ortiq ma'lumot oshkor etilmagandi.
Endi ma'lum bo‘lishicha, Xitoy kompaniyalari guruhi brauzer ishlab chiqaruvchisini 10.5 mlrd Norvegiya kronasi (1.2 mlrd dollar) evaziga sotib oladi. Kompaniya direktorlar kengashi shartnomani ma'qullab, aksiyadorlarni taklifni qabul qilishga undagan.