Тошкент давлат аграр университетида “Ёшлар орасида гиёҳвандлик воситаларининг тарқалишига қарши кураш ва ичкиликбозликнинг салбий оқибатлари” мавзусида тадбир бўлиб ўтди. Унда мутахассислар, ҳуқуқни муҳофаза қилиш органлари ходимлари, университет профессор-ўқитувчилари ва талабалар иштирок этди. Унда сўз олганлар гиёҳвандликнинг инсон саломатлигига салбий таъсири ҳамда жамиятга келтирадиган зарари, шунингдек, турли жиноятларга йўл очиши мумкинлигини жонли мисоллар орқали тушунтириб беришди.

“Гиёҳвандлик ниҳоятда қийин даволанадиган касалликлар турига киради. Уни истеъмол қилувчи шахснинг ишлаш қобилияти йўқолади. Ижтимоий жиҳатдан фойдали ишларни бажаролмайди, руҳиятида жиддий ўзгаришлар содир бўлиб, пул ва молга ҳирс қўйиш иллати вужудга келади. Агар ундан фарзанд туғилса, гўдак ҳам кўп камчилигу нуқсонли бўлади”, дейилди анжуманда.

Тадбирда талабалар мавзу бўйича ўзларини қизиқтирган саволларга мутахассислардан тегишли жавоблар олишди.