2016 йилги "Оскар" мукофотига номзод Леонардо ДиКаприо amfAR хайрия аукционида Мўғулистонга экспедиция қилиш имкониятини сотиб олди, деб хабар бермоқда People нашри. Актёр экспедицияда иштирок этиш учун 95 минг доллар тўлади.

Экспедицияга таниқли саёҳатчи Йохан Эрнст Нильсон бошчилик қилади.

Аукционда кўплаб машҳур кишилар, жумладан актриса Ума Турман, актёр Роберт де Ниро ва рэп ижрочи Jay-Z меҳмон бўлди. Аукциондан тушган барча пуллар amfAr – ОИТСни ўрганиш бўйича Америка жамғармасига топширилади.