Номаълум қуролли шахслар гуруҳи Мали шимоли-шарқидаги Кидаль шаҳрида жойлашган БМТ базасига ҳужум уюштиришди. Бу ҳақда Рейтер агентлиги хабар тарқатган.

Қайд этилишича, айни вақтда ҳам ҳудудда отишма овози тинмаган.

Дастлабки маълумотларга кўра, ҳужум натижасида қурбон бўлганлар бор. Шунингдек, бир неча киши жароҳатлангани айтилган.

MSNBC манбаси маълумотига кўра, ушбу ҳужум натижасида икки нафар тинчликпарвар кучлар ходими ҳалок бўлган.

Айни вақтда, бу ҳодисанинг тўлиқ тафсилотлари маълум эмас.

Эслатиб ўтамиз, 5 февраль куни БМТнинг Тимбуктудаги базасига ҳам ҳужум уюштирилганди. 2015 йилнинг 28 ноябрь куни эса Кидалдаги базага ҳужум содир этилганди.