АҚШ президенти Барак Обама «Стивен Кольбер билан кечки шоу» кўрсатуви пайтида ҳар доим спорт мусобақаларига тикиб боришини тан олди. Бу ҳақда Card Player нашри хабар тарқатди.

Манбанинг маълумотига кўра, мавзу 2016 йилги Супербоул финали ҳақида («Каролина Пантерс» ва «Денвер Бронкос» жамоалари учрашган) кетганида президент: «Албатта, финални кўрдим. Ҳар бир Супербоул учрашувидан кейин ғолиб чиққан жамоага қўнғироқ қилиб, уларни ғалаба билан табриклайман. Баъзида эса мағлубларга ҳам телефон қилиб тураман. Бу асосан мен уларнинг ғалабаси учун тиккан пайтимда содир бўлади», дея таъкидлаб ўтган.

Шунингдек хабарда қайд қилинишича, Кольбер Обамага Невада штатидан ташқарида спорт ўйинларига дов тикиш АҚШ қонунларига зидлиги эслатган. Обама эса бунга жавобан ўзи бузган қонунларни ўзи президент сифатида кечириб юборишини ҳазил тариқасида айтиб ўтган.

Эслатиб ўтамиз, Супербоулнинг бу йилги финалида «Денвер» жамоаси ғалаба қозониб, МФЛ чемпиони унвонини қўлга киритган.