«Сандерленд» жамоаси сайтида ярим ҳимоячи Адам Жонсон билан шартнома муддатидан олдин бекор қилгани ҳақида хабар берилди.

«Адам Жонсон ўз айбини тан олди. Жамоа футболчи билан ҳамкорликни тўхтатди.

Ушбу қарор шу дақиқадан бошлаб кучга киради. Жамоа ортиқ изоҳ бермоқчи эмас», – дейиладии «Сандерленд» баёнотида.

Бундан олдинроқ, ушбу 28 ёшли футболчи ўзининг вояга етмаган қиз билан ишқий муносабатда бўлгани бўйича айбловнинг 2 бандини тан олганди. Ўз навбатида, бошқа бир қанча бандлар бўйича айбловни рад этган.

Шунингдек, спорт экипировкалари ишлаб чиқариш билан шуғулланадиган adidas компанияси футболчи билан ҳамкорликни тўхтатган.

Футболчининг ўзига 6 ойдан 2 йилгача бўлган қамоқ жазоси таҳдид солмоқда.