ФИФА президенти лавозимига номзод шайх Салмон келишилган ўйинларни ташкиллаштиришга алоқадорликда гумон қилинмоқда

Спорт 13 Февраль 2016 2566

Баҳрайн футбол федерациясининг собиқ раҳбари, ҳозирда ФИФА президенти лавозимига номзодлардан бири шайх Салмон ибн Иброҳим Ал-Халифа келишилган ўйинларни ташкиллаштиришга алоқадорликда гумон қилинмоқда.

2010 йилда сингапурлик Уилсон Раж Перумал Салмон ва Баҳрайн футбол федерацияси номидан Того терма жамоаси билан ўртоқлик учрашуви ташкил этган. Учрашув Баҳрайннинг 3:0 ҳисобидаги ғалабаси билан якунланган, бу ўйинда 5 та гол офсайд сабабли бекор қилинган.

Учрашувдан кейин Того жамоаси учун ўйнаган ўйинчилар ҳақиқий футболчилар эмас, балки қаллоблар эканлиги маълум бўлган. Тогонинг ҳақиқий ўйинчилари эса бу орада Ботсвана билан ўтказилган учрашувдан сўнг автобусда уйларига қайтаётган бўлганлар.

Перумал 1995 йил Сингапурда ва 2011 йилда Финляндияда келишилган учрашувларни ташкиллаштиргани учун икки марта қамоқда ўтирган. Перумалнинг ўзи эса 2014 йил CNN телеканали эфирида "фаолияти" давомида 100га яқин келишилган ўйинларни ташкиллаштиргани, улар орасида жаҳон чемпионатларининг саралаш ўйинлари даражасидаги кабилар ҳам бўлганини айтган.

Шайх Салмон Перумал билан алоқаси борлиги ҳақидаги хабарни инкор этган.

"Биз ҳеч нарсадан бехабар эдик. Кимдир сизнинг юртингизга Того каби термани олиб келса, сиз бу жамоани танимайсиз. Мен бу ўйинчиларни қандай билишим мумкин? Бу маълум бўлгандан кейин биз ФИФА вакиллари билан бу қандай юз берганини билиш учун ҳамкорлик қилишни бошладик. ФИФА агентга қарши чоралар қабул қилган", деб айтмоқда Салмон.

Эслатиб ўтамиз, ФИФА президенти лавозимига сайловлар Цюрихда 26 февралда бўлиб ўтади.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13764 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67864 Жамият
Кун.uz офис изламоқда
15:48 / 06.08.2017 37016 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 526 Жаҳон
Саакашвили Украинага қачон қайтишини маълум қилди 
01:15 1034 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 976 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар