Москва ва бутун Русь патриархи Кирилл Рим папаси Франциск билан биргаликда тузилган қўшма декларацияда ривожланган давлатлар мисолидаги тўхтовсиз маҳсулот истеъмол қилиш кўникмаси сайёранинг ресурсларини қашшоқлаштириб юбораётганини, бойлик тақсимотидаги адолатсизлик эса жаҳондаги глобал тизимга бўлган ишончсизликни орттириб юбораётганини таъкидлади, деб хабар беради РИА Новости агентлиги.

“Бизнинг қарашимиз оғир аҳволдаги, инсониятнинг моддий бойликлари ортаётган бир пайтда қашшоқлик шароитларида яшаётган инсонларга қаратилган”, - дейилади баёнотда.
Рус православ ва Рим-католик черковлари вакилларининг сўзларига қараганда, “айрим ривожланган давлатларга хос тинимсиз моддий бойликларни истеъмол қилиш” сайёрага жиддий салбий таъсир ўтказмоқда.