Ўзбекистон президенти Ислом Каримов Ўзбекистон республикаси ҳукумати ва Покистон ислом республикаси ҳукумати ўртасида 1995 йилнинг 22 майида тузилган икки томонлама солиқдан қочиш ва даромад солиғини яширишнинг олдини олиш бўйича келишувга ўзгартиш киритиш ҳақидаги протоколни тасдиқлади. Бу ҳақда Uzdaily хабар берган.

Бу протокол 2015 йилнинг 17 ноябрида Покистон бош вазири Муҳаммад Навоз Шарифнинг Тошкентга расмий ташрифи вақтида имзоланганди.

Ўзбекистон Республикаси Ташқи ишлар вазирлиги раҳбари Ўзбекистон Республикаси мазкур халқаро шартноманинг кучга кириши учун зарур бўлган ички давлат тартиб-таомилларини бажарганлиги тўғрисидаги тегишли билдиришномани юбориши белгиланган.