Саудия Арабистони Сурия мухолифатчиларини қудратли қурол-яроғ билан таъминлаши мумкин. Бу ҳақида Қиролликнинг мудофаа вазирлиги маслаҳатчиси Аҳмад Асирий маълум қилди, деб ёзади Ria.ru.

Асирийнинг сўзларига кўра, қироллик ўртамиёна гуруҳларга раҳнамолик килувчи мамлакатлар билан уларга Саудия Арабистонидаги ягона бошқарув маркази орқали ўз ёрдамини йўналтиради.

“Сурияликлар мамлакатда ўз ҳақ-ҳуқуқларини қўлга киритмагунича, Қироллик сурия муҳолифатчиларини қўллаб-қувватлашда давом этади”, дейди Аҳмад Асирий.

Февралнинг бошида расмий Ар-Риёд Суриядаги қуруқликдаги жангларда иштирок этиш учун қуролли кучларини юборишга тайёр эканини билдирганди. 15 февраль куни Саудия Арабистони ҳудудида “Шимол яшини” номли ҳарбий ўқув машғулотлар бошланди. Унда 20 та мамлакат ҳарбий кучлари иштирок этмоқда.