Миср бош прокурори Facebook ижтимоий тармоғидаги "Азият чекаётган эрнинг хотира дафтарлари" саҳифасининг маъмури Таймур ал-Сўбқийни телевидениеда айтган сўзлари учун ҳибсга олинишига буйруқ берди. У мисрлик аёлларнинг учдан бири ўз эрларига садоқатли эмасликларини айтган. Бу ҳақда Reuters ахборот агентлиги хабар бермоқда.

Ал-Сўбқий "Бунинг имкони бор" шоусидаги чиқишида мисрлик 30 фоиз аёл ўз эрларига хиёнат қилишга тайёр эканликлари ва уларни бунга оғдиришни кутишларини айтди. Унинг айтишича, кўплаб аёллар эрлари хорижда бўлганда уларга хиёнат қиладилар.

Ал-Сўбқийга мисрлик аёлларнинг номуси ва шаънини ҳақорат қилиш айби қўйилди.